НӨАТ-ын буцаан олголтыг ирэх оны эхний улиралд олгоно

2018 оны НӨАТ-ын буцаан олголтыг ирэх оны эхний улиралд олгоно хэмээн ТЕГ-аас мэдээллээ.

Татварын ерөнхий газраас аж ахуй нэгж, байгууллагыг иргэнд НӨАТ-ын баримт олгох ажлыг эрчимжүүлж, сар бүр сугалаат азтан тодруулдаг. Гэхдээ НӨАТ-ын баримт бүртгүүлсэн л бол буцаан олголтоо жилд нэг удаа авах ёстой. Тэгвэл 2018 оны НӨАТ-ын буцаан олголтыг 2019 оны эхний улиралд багтаан И-Баримт бүртгүүлсэн хүн бүрт олгох бэлтгэл ажлыг эхлүүлжээ.

Буцаан олголттой холбоотойгоор И-Баримт системд бүртгүүлсэн хэрэглэгч өөрийн хувийн мэдээлэл болон овог нэр, гар утас, регистрийн дугаар, имэйл хаяг, дансны дугаараа нягтлан шалгаж, баталгаажуулахыг анхааруулж байна.

source: eagle.mn

Leave a Reply

Your email address will not be published. Required fields are marked *