Америк бүсгүй эмчилгээ хийлгээд цэнхэр цустай болжээ

25 настай Нью-Йоркийн иргэн бүсгүй шүдний эмнэлэгт эмчлүүлсний дараа цус нь цэнхэр болж хувирсан гэж “Daily Mail” мэдээлэв. Тэрбээр эмийн жоргүйгээр бонзокайн хэмээх өвчин намдаагч эмийн сангаас авч ашигласнаас ийм хэрэг гарсан байна. Тэрбээр шүдээ эмчлүүлсний дараа өвчнөө дарах зорилгоор энэ эмийг ууснаас бүх зүйл эхэлсэн гэнэ. Өглөө нь тус эмэгтэйд таагүй мэдрэмж төрж, эмчид үзүүлэхээр шийдэв. Эмч нар шинжилгээ хийхийн тулд өвчтөний цусыг артерийн судаснаас гаргаж автал цэнхэр өнгөтэй байжээ. Аажимдаа түүний хумс, арьс зэрэг нь цэнхэр өнгөтэй болж эхэлсэн байна.

Туршилтаар цусан дахь хүчилтөрөгчийн хэмжээ ердөө 67 хувь байсан гэнэ. Ердийн үед хүний цусны 95-100 хувийг хүчил төрөгч эзлэх ёстой бөгөөд ийм бага хэмжээтэй үед яаралтай арга хэмжээ авахгүй бол тархинд нь хүнд гэмтэл учруулж, үхэлд хүргэж болзошгүй юм. Эмч нар бензокаин хэт их тунгаар ууснаас болоод цусан дахь хүчил төрөгчийн хэмжээ огцом буурсан хэмээн дүгнэсэн аж. Одоо өвчтөн эмчилгээ хийлгэж байгаа бөгөөд биеийн байдал нь сайжирч байгаа юм.

Leave a Reply

Your e-mail address will not be published. Required fields are marked *